Laufeyjarblogg

Það var stuð í Borgarleikhúsinu í gær..! Ég gæti bara vel hugsað mér að gera þetta oftar.. fara uppá svið og sýna dans..! Gefur manni mikið! En eitthvað er ég nú eftir mig.. það var svakalega þurrt loft þarna.. og hvort sem það er útaf því eða ekki þá svíður mig í hálsinn og verkjar pínu í hausinn. Er búin að vera ansi slöpp í dag..frekar dofin eitthvað, sem er ekki alveg eftir uppskriftinni því veikindin hjá mér koma yfirleitt ekki fyrr en allt stress og álag er búið, en það er ekki ekki búið svo þau eru aðeins of snemma í því ef þetta eru þau.. vona ekki. Ég ætla því að stökkva uppí rúm og fara að sofa..langir næstu 3 dagar.. um að gera að byrja vel.
...Hlakka til um næstu helgi!

Það varð ekki úr því í þetta skipti að gera róttæka útlitsbreytingu, en það er samt alveg á hreinu að það verður gert! Líklega bara næst þegar ég þarf að fara í litun. Ekki það að mér sé eitthvað illa við hárlitinn, en eftir 23 ár af ljósum hárum þá verður maður forvitinn að sjá hvernig dökku hárin koma út... en sumir hafa greinilega einhverja skoðun á þessu máli.. og það ættu allir að fá eitthvað við sinn smekk með tímanum;) En hárið er núna ennþá ljóst, fór í strípur og það kom bara ansi vel út. Er bara frekar sátt.
Annars er ekki svo mikið að frétta.. uppskeruhátíð annarinnar er að fara í gang,úrlausnir úr prófum og verkefnum að koma á netið, jólasýning kramhússins um næstu helgi þar sem afrakstur námskeiða er sýndur, og svo jólatónleikar skólans. Eftir þetta verður svo kærkomin Akureyrarferð, í faðm fjölskyldunnar og matsins hennar mömmu! mmm Vel á minnst... vill einhver veita mér bílfar norður? þátttaka í bensínkostnaði sjálfsögð!!

Var annars að koma úr leikhúsi, Brim er flott sýning, dramatísk og fyndin! Mæli með henni.

Svo vantar mig ennþá ferðafélaga næsta sumar!! ég lofa miklum ævintýrum og skemmtilegheitum..